تعالى هنا ها قوليلى عملتى ايه عشان زوجك ما ينزوجش عليكى

عملتى ايه بقى عشان ما يجيبليكيش زوجه تانيه

بسم الله الرحمن الرحيم
انا باكتب الموضوع ورزقى على الله
عارفه انه هيفتح ابواب جهنم عليا ولو ان الموضوع مكتوب بالعاميه المصريه
ولكنه بالطبع لكل الاخوات
[ندعوك للتسجيل في المنتدى أو التعريف بنفسك لمعاينة هذه الصورة]
ما علينا
اللهم بلغت
اللهم فاشهد

يا ما مواضيع اتعملت عن الزوجه التانيه والدعاء عليها وتوعد بالويل والثبور وعظائم الأمور
[ندعوك للتسجيل في المنتدى أو التعريف بنفسك لمعاينة هذه الصورة]اظن اتفسر اييه اللى بين النقط!!!!!!!!!!!!

عملتيله ايه بقى عشان ما يجيبليكيش زوجه تانيه
كنت زى امه[ندعوك للتسجيل في المنتدى أو التعريف بنفسك لمعاينة هذه الصورة] محتوياه فى حزنه ووحدته ومحترمه ضيقه وما بتحاوليش تغلسى عليه وتجيبله سيرة العيال والفلوس وامه وسلفتك
ــــــــــــــــــــــــــــــ ــــــــــــــــــــ ــــــــــــــــــــــ

2-كان لما بيحكيلك اى موضوع هل كنتى بتقاطعيه وتبتدى تشغلى فهامتك البايظه وتعملى اسقاطات على مواضيع تانيه من خلال اللى بيحكى عنه ولا بتستنى للآخر وكأنه بيكلم نفسه مجرد انه عايز يفضفض وخلاص يسمع تعليقاتك كل اللى كان عايزه

ــــــــــــــــــــــــــــــ ــــــــــــــــــــ ــــــــــــــــــ

3-لما كان بيطلب أكله منك بقاله فيها سنه وزياده كنتى بتعمليها ولا بتكسلى وتقولى محدش بياكلها الا هو وبسفى حين انك لو بتحبى اكله بتعمليها لغايه لما هو يحبها قهر [ندعوك للتسجيل في المنتدى أو التعريف بنفسك لمعاينة هذه الصورة]

4-لما كان بييجى مفرهد من الحر [ندعوك للتسجيل في المنتدى أو التعريف بنفسك لمعاينة هذه الصورة]كنتى بستقبليه بعصيرولا حتى كوبايه ميه ساقعه وانتى متبسمه حتى لو بلبس المطبخ ولا كنتى بتزمى حواجبك وتقوليله انت جيت ؟؟؟
ما هوا اكيد جه مش قرينه اللى جه مش محتاجه فكاكه
ــــــــــــــــــــــــــــــ ــــــــــــــــــــ ــــــــــــــــــــــ
ولا لما يكون مسافر ييجى يلاقيكىنايمه جنب عيالك اللى اتفطموا من زمان اوووى
ــــــــــــــــــــــــــــــ ــــــــــــــــــــ ــــــــــــــــــــــــــــ
5-كنتى بتهتمى بنظافه ملابسه [ندعوك للتسجيل في المنتدى أو التعريف بنفسك لمعاينة هذه الصورة] وكيها ولا كان بيدور فى الغسيل عشان يلاقى هدمه نضيفه وبتتحججى ان الميه علططول مقطوعه امال بتطبخى ازاى يا هانم

ــــــــــــــــــــــــــــــ ــــــــــــــــــــ ــــــــــــــــــــــــــــــ ـ
6- كنتى بتهتمى بنظافتك وريحتك وبالذات نظافة احم احم احم انتوا عارفين
ــــــــــــــــــــــــــــــ ــــــــــــــــــــ ـــــــــ
7- شاركتيه اهتماماته ولا بتسيبيه اعد لوحده ادام التلفزيون والكمبيوتر [ندعوك للتسجيل في المنتدى أو التعريف بنفسك لمعاينة هذه الصورة]لو كانو دووول اهتماماته يعنى

ــــــــــــــــــــــــــــــ ـــــــــــــ
8- لما ييجى يعزمك بره ده يعنى لو اتهف فى عقله مش كنتى بتقولى اييه لازمتها المصاريف ما فلوس العزومه تاكلنا اسبوع

ــــــــــــــــــــــــــــــ ــــــــــــــــــــ ـــــــــــــــــــــــــــــ
9-عمرك وزعتى العيال وعملتى ليله عسل بجد بكل حركاتها وسلاطاتها وبابا غنوجها اظن واضح
ــــــــــــــــــــــــــــــ ــــــــــــــــــــ ـــــــــــ
10- لما اهلك كانوا بييجوا مش كان الود ودك تقدميلهم عيل من عيالك يتحط جنب اللى محطوط على الصينيه والضحكه اييه من الودن للودن
كنتى بتعملى ربع كده مع اهله ولا التكشيره ولوية البوز وادعاء التعب المفاجئ

ــــــــــــــــــــــــــــــ ــــــــــــــــــــ ــــــــــ
11- لما كان بيقولك اروح لقرايبى واهلى تتمسكنى وتتحججى بالعيال والبيت لكن لو كنت عايزة تشوفى اهلك بتكونى اول واحده واقفه عند الباب
ــــــــــــــــــــــــــــــ ـــــــــــــــــــ

12-لما ما كنتيش بتبقى راضيه عن شكل العلاقه الحميمه عمرك صارحتيه ولا كنتى بتمثلى لغايه ما صدقتى الكدبه

ــــــــــــــــــــــــــــــ ــــــــــــــــــــ ــــــــ

13- اول ما حملتى وخلفتى نسيتى ان فى ابن كبير محتاج يدلع وغيران من انه اتركن على الرف وبقى مجرد ممول وما حاولتيش تبينيله اد اييه انتى حاسه انك مقصره فى حقه افتره دى وان شاء الله الامور هتتعدل وهتبقى احسن
اههو كلام بس هيحسسه انه لسه فى دائرة الضوء وهوا اللى فى القلب والننى
ــــــــــــــــــــــــــــــ ــــــــــــــــــــ ـــــــــ

14- عمرك حاولتى تغيرى من شكلك وطريقة لبسك لما تلاقيه بيمدح فى جاره او قريبه او حد فى محيطكم - اييه جرس الانذار ما اشتغلش عند سيادتك ولا اييه

ــــــــــــــــــــــــــــــ ــــــــــــ

وغيره وغيره..........

ولكن للاسف الغلطات دى لنا بنعملها واحنا مش واخدين بالنا وحاطين شادربطيخ فى بطننا لغاية ما تيجى الطوبه فى المعطوبه ونعد ندعى على الراجل ونلعنه من الاجدا د للأحياء
****************************** ******************** *[ندعوك للتسجيل في المنتدى أو التعريف بنفسك لمعاينة هذه الصورة]
دى دعوه اننا نحاول نغير شويه من مفهومنا عن الزوج انه اتربط بالعيال وانه مش هيقدر يفلفص
قبل ما تلعنى اليوم اللى اتجوز فيه عليكى شوفى انتى ما عملتيش اييه وقدمتيه على طبق من فضه لضرتك ازاى
ونقف لحظة صدق ونقول اللى لينا واللى علينا

الله يسترنا من النساء النكدات واللحوحات يا ربي دخيلك استرنا وخدنا بحنانك يااااااا رب يا جبار انت..........................

[ندعوك للتسجيل في المنتدى أو التعريف بنفسك لمعاينة هذه الصورة]

» لازم تدفع عشان تجلس وتقعد ؟!!
» لازم تدفع عشان تجلس وتقعد ؟!!
» قمصان نوم روعة لعيون زوجك
» فنان يلون نفسه بالصور عشان يختفي ..~
» تعالى شوف الرومانسية